الحقييي احلي منظم للفوط ب12جنيه

تعالوا نعمل اجمل منظم للفوط ومش هنتكلف كتير....

الطلبات كرتونه ....حبال غسيل ...مقص ....مسدس شمع....اي قماشه قطن او كيس مخده قطن قديم للبطانه....

هنجيب الكرتونه ونعمل فتحتين من الجوانب علشان نعرف نمسكها منهم باستخدام الكاتر او المقص.  .

هنبدأ بلصق الحبال من جميع الجوانب بشكل متصل باستخدام مسدس الشمع ومش لازم نحط شمع كتير ممكن عادي نثبت فجزء ونسيب جزء....لحد مانغلف الكرتونه كلها..  هنجيب كيس مخده يكون قطن ونبطن بيه الكرتونه من جوه برضو باستخدام مسدس الشمع...   لو حابه تزينيها بالستان او الاسترس براحتك ..  ممكن تحطيها جمب الحمام علي اي رف او داخل الحمام فوق رف او فوق الغساله للاستخدام اليومي.....

تحياتي ....ماما رهيبه....

عمل منظم للتسريحه من سلة قديمه

ازيكم حبايبي عاملين ايه ....انهارده لو عندك سلة عجلة الاطفال او اي سله قديمه اوووووعي ترميها هاتيها وهاتي بواقي القماش وغلفيها باستخدام الغرا الابيض والشمع وزينيها وبطنيها من جوه بقماش ناعم باللون الي تحبيه وحطيها عالتسريحه ونظمي الميكب بتاعك .....علي فكره ممكن تنفيذ نفس الفكره بأي كرتونه صغيره وعمل منظمين او تلاته كمان لتسريحتك.....
تحياتي ....ماما رهيبه

علبة مشابك من عجينة الورق

لو عندك اي علبه بلاستيك زي علب الايس كريم او الجبنه او الحلاوة الطحينيه.....
هاتي عجينة الورق ...وهتلاقي طريقتها هنا فموضوع بعنوان طبق زينة من عجينة الورق....هاتي العجينه وغلفي العلبه كويس من كل الجوانب وسيبيها تنشف تحت المروحه او في البلكونه....وبعد ماتنشف كويس رشيها باسبراي اي لون وممكن تلوينيها بالوان ميه او زيت ....وزينيها من فوق بالحبال باستخدام مسدس الشمع واعمليلها يد من فوق لتعليقها.....حطي فيها مشابك او مقص وبكر وخيط او علقيها في المطبخ حطي فيها قصافه او ادويه سريعه او اي حاجه فمتناول ايدك.....
تحياتي ماما رهيبه

طبق زينه من عجينة الورق

هاي متابعي ماما رهيبه...
عجينة الورق وازاي نعملها ونستفاد من الورق القديم...
هاتي اي ورق قديم سواء كرتون او ورق وياسلااااام لو كرتون البيض ....قطعي الورق والكرتون ولينيه بميه سخنه فاي طبق بلاستيك كبير ....
بعد فتره صفي الورق من الميه واعجنيه كويس وافركيه بايدك او بالخلاط . 
ضيفي الغرا الابيض للعجن....
شكلي العحينه زي ماتحبي .. ...
انا جبت طبق غويط وحطيت عليه كيس بلاستيك وفردت العجينه عليه كويس لحد ماخدت شمل الطبق وهو مقلوب طبعا ...وسبته ينشف تحت المروحه براحته كذا يوم ....
بعد كده خدته وكان سعل اشيله عشان الكيس البلاستيك الي حطيته ...ورشيته باسبراي دهبي....وحطيته في الركنه بحط فيه المفاتيح او الريموتات .....
تحيااااتي ماما رهيبه

طريقة عمل صابون الغسيل او الصابون البلدي

ازيكم متابعي ماما رهيبه...

انهارده جيبالكم طريقة عمل الصابون البلدي او صابون الغسيل او النابلسي 
كلنا نعرف طبعا الزيت الي بنقلي فيه او اي زيت قديم او متخزن عندك هتحوشي لتر ونص او لترين زيت وهتشتري بعشره جنيه صودا كاويه او بوتاس وهتشتري كيس برسيل جل عشان الريحه وكمان هتجيبي جلسرين عشان نعومة ايديكي بس كل دي اضافات ممكن تستغني عنها الاساس في صناعة الصابون هو الزيت والبوتاس والميه وبسسسسس
الطريقه بقي
هتجيبي نص لتر ميه وتدوبي فيه البوتاس في جردل بلاستيك عميق وقوي
بعد كده تصبري شويه عبال مالبوتاس يبرد 
بعد كده هتضيفي الزيت بالراحه مع التقليب المستمر.....
هترتاحي شويه وتقلبي شويه
لحد مايتقل معاكي الخليط وتشمي ريحة الصابون العادي جدا ..  ملحوظه لو الهليط متقلش ضيفي شوية دقيق عادي وقلبي......
كده خليط الصابون جاهز بس علي مييييين احنا مختلفيييين هنضيف هنا بقي عصير لمونتين وشوية ملح وشوية كربوناتو وكيس برسيل جل او اي زيت عطري وكمان هنضيف نقطتين جلسرين .....
هاتي بقي اي صينيه قديمه وحطي فيها كيس بلاستيك قوي او مشمع.....وصبي الخليييييط وسيبيه في مكان هوا مفيهوش شمس وتاني يوم قطعيه وسيبيه ينشف اسبوع او اسبوعين في مكان هوا قبل الاستخدام....
استخدامه في المواعين الالومنيوم وغسيل الهدوم المبقعه هااااايل والله عن تحربه
تحيااااتي.....ماما رهيبه

جددي فشكل ستارتك بأقل الامكانيات

دي كانت ستارة عاديه جدا الي عملته اني اخدت الجزء القطيفه وجبت كرتون وقصيت الكرتون علي شكل قلب وبعد كده جبت القماش القطيفه غطيت بيه الكرتون ولزقته بالغرا الابيض والشمع وزينته بشراشيب من تحت.
وجبت حبل صغير عملت عوليقه علشان تتعلق منها القلب
واتغير شكل الستارة نهائي
اما الفستونه فهتلاقوا طريقتها هنا علي المدونه نزلتها من فترة
تحيااااااتي
ماما رهيبه

مطبخي مرتب ونضيف يساوي انا مرتاحه نفسيا

مهما كان مطبخك صغير أو كبير تقدري تخليه جميل ومريح عن طريق: 
دايما حافظي علي نضافته متراكميش المواعين في الحوض او حتي فغسالة الاطباق.
لمعي البوتجاز دايما بكربوناتو وشوية خل وهيبقي ممتاز ودايما حطي عليه فويل علشان تحافظي علي لمعانه.
لو الحوض اتسد منك هاتي كربوناتو وحطيهم في الحوض وحطي عليهم خل وبسرعه ميه مغليه هيتسلك معاكي ان شاء الله.
حاولي تزرعي ريحان او نعناع في قاري زرع صغيره بتدي ريحه جميله .
الشفاط نضفيه أول بأول وتنضفيه بأيه بقي ...... بالبنزين ايوه البنزين بس مش اكتر 
دايما لمعي مطبخك وحافظي علي انك قبل متنامي يكون المطبخ متشطب علشان ترتاحي نفسيا لما تبدأي يومك الجديد.
تحياااااتي ماما رهيبه