ستيك الكيوى

نحضر شرايح الكيوى والشكولاتة السايحة .

نضع وسط شريحة الكيوى عصا . 

نغمس الكيوى فى الشكولاتة . 

ونضعة على طبق فى الثلاجة لكى تتجمد الشكولاتة . 

واستمتعى انتى وأولادك بستيك الكيوى . 

بطاطس أشكال للأطفال

الطريقة :.........

 نقطع البطاطس شرايح سميكة حتى ثلاث شرايح .

بالعرض. 

ونرسم بطرف السكينة قلب أو أى شكل تانى . 

ونفرغة بالسكينة لحد ما يتظبط معانا ونشرحها كذا وحدة . 

نقطع البطاطس من النص بالطول  كذا شريحة . 

 ونرسم بطرف السكينة بيت ونقص أطرافة . 

ونفرغ الباب بالسكينة على طبق . 

ونسحب الباب بطرف السكينة .

ونرسم شباك ونسحبة برضو .

البيت جاهز للقلى  

نقطع البطاطس بالطول . 

ونفرغها من النص على شكل هلال . 

ونقطعها شرايح . 

نرسم شكل وردة بالسكينة . 

ونفرغها لحد ماتتظبط معانا كويس . 

 

ونعمل أحلى شكل للأطفال فى الطبق . 

ونقلى فى الزيت . 

البامية المدقوقة

الطريقة : 

نحط معلقة توم على النار مع معلقة سمن كبيرة   . 

ونحمر التوم  .

 وبعدين نحط علية كوب عصير طماطم

 ونسيبة لحد ما تغلى شوية 

ونضيف علية الشوربا ونسيبها تغلى

وبعديها نضيف البامية الناشفة المطحونة .

ونسيبها تغلى شوية . و القوام يكون كويس لاخفيف ولا تقيل . 

ملحوظة : البامية المدقوقة دى قطعناها شرايح وهية خضرا و سبناها تنشف وبعدين طحنها فى المطحنة بس لفة أو لفتين عشان متكونش زى الدقيق .

ونحفظها فى كيس فى التلاجة عشان ماتسوسش . 

أيس كريم الخوخ

لعمل أيس كريم الخوخ بالمنزل نحتاج الي :

خوخ 

كريم شانتيه 

حليب 

سكر 

الطريقة:

يضرب الحليب مع الخوخ في الخلاط مع قطع من الثلج ويضاف لهم السكر 

ونقوم بعمل الكريمه الكريم شانتيه بنفس الطريقة المكتوبه علي الكيس ويضاف للخليط ويصب في اكواب ويوضع في الفريزر حتي يتجمد 

دجاج بروستد من مطبخ إم تيم الأردني

كلنا بنحب طبعا دجاج كنتاكي والدجاج البروست بس اكيد ده هيكون انضف واطيب لانه من بيتك وخصوصا انه وصفة إم تيم الغاليه 

المكونات :

قطع دجاج
لبن ( زبادي)
هيل
ببريكا
توم بودره
بصل بودره
زنجبيل
رشة ملح
وممكن فلفل وشطه

الطريقة :

ينقع الدجاج في اللبن الزبادي وباقي التتبيله ويترك في الثلاجه من قبل الطهي بليلة 

يتبل في الدقيق وييقلي في زيت دافئ عميق ويقدم

صينية البطاطس بالبط من مطبخ أم محمد

المكونات:

بطاطس 
بصل
طماطم
صلصة طماطم
فصين توم
بط مسلوق
شوربة البط
ملح وفلفل وكسبره

الطريقة :

تسلق قطع البط مع بصله وطماطم وورق لورا ومكعب مرق وحبهان

تقطع البصل والبطاطس الي شرائح ويضاف شرائح الطماطم وفصين التوم المفرومين ويضاف صلصة الطماطم 

تتبل قطع البط بصلصة الطماطم مع الفلفل الاسود والملح وتوضع بالصينية وتدخل الفرن 

تقدم بعد تمام السوا بالهنا والشفا

طريقة عمل الباستا فلورا

المكونات :
4 بيضة
كوب سكر
3 كيس فانيليا
ا كيس بيكنج باودر
2 او 3 كوب دقيق حسب نوع الدقيق
ملعقة كبيره زبده
مربي للتزيين

يخفق البيض مع السكر والفانيليا

يضاف الدقيق والبيكنج باودر والزبده حتي نحصل علي عجينه يمكن فردها باليد ولينه بعض الشيء

نأخذ جزء من العجينه ونضعه علي جانب للتزيين ونفرد باقي العجين في صينية مدهونه ومرشوشه دقيق 

نضع المربي ونفردها ونحرص الا تصل الي الجوانب

نفرد باقي العجينة علي شكل اصابع طويله ونزين بها 

تدخل الفرن علي درجة حرارة متوسطه حتي تمام السوا وتقطع وتقدم دافئه