قابلت واحد في الشارع ليكم 10 سنين مشفتوش بعض وفجأة لقيت القيسبوك بيبعتلك صفحته في اقتراحات الصداقة؟
نفسك راحت على طعام معين لقيت قدامك صفحات الطعام والمطاعم بكثرة؟
بتفكر تعمل ريجيم أو كيتو لقيت كل ما يتعلق بيه قدامك عالفيسبوك؟
موضوع اتكرر كتير وراجع نفسك هتلاقيه حصل معاك اكتر من مرة بس ايه السر وانت مذكرتش الفكرة نهائيا ولا في شات حتى ولا مع حد؟
هنتكلم تحت الهاشتاج ده عن #رعب_التكنولوجيا وازاي التكنولوجيا بقت خطر علينا اكتر من أي شيء يمكن أو شخص مثلا زي موضوع ال mind trackers أو ال mind reading machines الي الفيسبوك بقالو سنتين بيشتغل عليها يعني جهاز تتبع العقل وقراءته, هل الكلام ده حقيقي؟ ايوة, وفقا لعدة مواقع موثوقة, وجدوا أن الفيسبوك
يعمل على تطوير آلة القراءة الذهنية على Facebook لجعل التنقل في الواقع الافتراضيأسهل في المستقبل ، من المتوقع أن يكون موقع Facebook مرتبط بالواقع الظاهري والافتراضي ، حيث سيتمكن المستخدمون من متابعة افكارهم في وسائط تتجاوز شاشات هواتفهم الصغيرة. الجهاز ده يقوم باكتشاف مثيرات معينة في النشاط العصبي ويتتبع رغبات المستخدم ويعرض له ما يتوافق معها ومستقبليا سيتمكن الانسان من تصفح الفيسبوك دون الحاجة إلى تحريك إصبع عن طريق ما يسمى "الفأر العقلي" التي تحدث عنها فيسبوك في عام 2017 ، في مؤتمر F8 Developer.
طيب هل الكلام ده تم تركيبه بالفعل أو لا؟ وهل بكده فيسبوك بيخترق قوانين الخصوصية للمستخدم؟
من وجهة نظري الخاصة اننا ولا نعرف هل تم تركيبه أو لا ولا في بالنا اصلا خاصة انك أول شيء بتعمله عشان تستخدم كل المواقع الخاصة بالسوشيال ميديا والانترنت كمان انك بتديله اوك موافقة على تركيب ما يسمى بال cookies في جهازك خاصة أجهزة اندرويد وحتي الكمبيوتر وبكده بتديله سماح وموافقة انه يعمل فيك اي شيء من وصول لمعلومات موجودة عالجهاز ولو مديتش موافقة مش هيسمحلك باستخدام المواقع الي استعبدت الانسان وأصبحت تطوعه كأداة استهلاكية لأصحاب البزنس والمال عالميا وجايز الكوكيز دي تكون فيها الي بيخترق عقلك ويتتبع فكرك, طيب هل انت كده عقلك غير محمي وأفكارك ممكن تتطاير في الفضاء المرعب ده ولا ممكن تتداخل مع أفكار الغير؟ ايوة طبعا وممكن تلاقي فكرة مشروع أو رواية بتكتب فيها اتسرقت ببساطة من بعض الناس لمجرد ذكرك لكلمة معينة أو تعبير معين عالفيسبوك له علاقة بشغلك وتلاقي الفيسبوك لوحده بشكل اوتوماتيكي بيوصل افكارك لسارقي الأفكار ودول بقا بشر معينين عندهم مواهب سحب الفكرة من عقلك بشكل ما هنتكلم عنه بالتفصيل مرة تانية, طيب هل مفيش حماية من الكوكيز التكنولوجية ومن سارقي الفكر الموهوبين دول؟ في طبعا حماية لجهازك ولعقلك نفسه من الاختراق وده الي هنتكلم عنه المرة الجاية ان شاء الله. وخلوا بالكم من ال mind trackers البشرية والغير بشرية😉😉 لأن أفكارك غالية وتستحق الحماية ولا بكرة هتلاقي عقلك بقا سلعة ويتباع بدون علمك حتة حتة 😂😂
كريمة الشريف
ليست هناك تعليقات:
إرسال تعليق