الكفته المحمره بالفلفل الأخضر

علشان تعملي احلي واسرع كفته محمره تعالي اقلك ......
المقادير ...نص كيلو لحمه مفرومه....بصلتين كبار مع عشر فصوص توم .....خضره يعني كسبره وبقدونس وشبت .....بيضه .....شوية دقيق ....وملح وتوابل وربع كوب ماء .....
نخش ع الطريقه ...

في الكبه افرمي البصلتين مع التوم والملح ...
الجديد بقي ....افرمي قرنين فلفل اخضر بارد او حامي زي ماتحبي...
افرمي الخضره بتعتك
ضيفي كل ده علي اللحمه المفرومه وعليهم البيضه وحوالي اربع معالق دقيق وشوية ميه واعجني ....
اقلي الكفته صوابع او كور ...وبالف هنا وشفا
تحيااااي ماما رهيبه

تتبيل البط

البط ليه طرق كتير وتتبيلات اكتر ولو مش هتحشيه يبقي يتسلق عادي وبعد السلق عندك اكتر من تتبيله....  

التتبيله بتاعتنا انهارده هي عصير طماطم فريش مع توابل وبهارات مخلطه مغ فلفل اسود وشطه وملح ونقطاين خل .....

ضيفي كل ده علي بعضه وضيفي معلقتين زيت واخلطيهم علي قطع البط المسلوق ودخليهم الفرن وبالهنااااااا

مفارش من الحبال

علشان تعملي مفارش بسيطه وجميله هاتي ربطتين حبال ملونة .....هاتي كمان مسدس الشمع واي استرس تحبيه...
ابدأي بعمل دايره صغيره من الحبال وثبتيها بالشمع ولفي وثبتي بالشمع وهكذا افضلي لفي الحبال وثبتيها بالشمع لحد ماتكبر معاكي الدايره ولحد ماتوصلي لمقاس وحجم المفرش الي تفضليه...قصي طرف الحبل وثبتيه من تحت بالشمع....ضيفي الاسترس او الالماظ للمفرش .....
تحيااااتي .....ماما رهيبه

الحقييي احلي منظم للفوط ب12جنيه

تعالوا نعمل اجمل منظم للفوط ومش هنتكلف كتير....

الطلبات كرتونه ....حبال غسيل ...مقص ....مسدس شمع....اي قماشه قطن او كيس مخده قطن قديم للبطانه....

هنجيب الكرتونه ونعمل فتحتين من الجوانب علشان نعرف نمسكها منهم باستخدام الكاتر او المقص.  .

هنبدأ بلصق الحبال من جميع الجوانب بشكل متصل باستخدام مسدس الشمع ومش لازم نحط شمع كتير ممكن عادي نثبت فجزء ونسيب جزء....لحد مانغلف الكرتونه كلها..  هنجيب كيس مخده يكون قطن ونبطن بيه الكرتونه من جوه برضو باستخدام مسدس الشمع...   لو حابه تزينيها بالستان او الاسترس براحتك ..  ممكن تحطيها جمب الحمام علي اي رف او داخل الحمام فوق رف او فوق الغساله للاستخدام اليومي.....

تحياتي ....ماما رهيبه....

عمل منظم للتسريحه من سلة قديمه

ازيكم حبايبي عاملين ايه ....انهارده لو عندك سلة عجلة الاطفال او اي سله قديمه اوووووعي ترميها هاتيها وهاتي بواقي القماش وغلفيها باستخدام الغرا الابيض والشمع وزينيها وبطنيها من جوه بقماش ناعم باللون الي تحبيه وحطيها عالتسريحه ونظمي الميكب بتاعك .....علي فكره ممكن تنفيذ نفس الفكره بأي كرتونه صغيره وعمل منظمين او تلاته كمان لتسريحتك.....
تحياتي ....ماما رهيبه

علبة مشابك من عجينة الورق

لو عندك اي علبه بلاستيك زي علب الايس كريم او الجبنه او الحلاوة الطحينيه.....
هاتي عجينة الورق ...وهتلاقي طريقتها هنا فموضوع بعنوان طبق زينة من عجينة الورق....هاتي العجينه وغلفي العلبه كويس من كل الجوانب وسيبيها تنشف تحت المروحه او في البلكونه....وبعد ماتنشف كويس رشيها باسبراي اي لون وممكن تلوينيها بالوان ميه او زيت ....وزينيها من فوق بالحبال باستخدام مسدس الشمع واعمليلها يد من فوق لتعليقها.....حطي فيها مشابك او مقص وبكر وخيط او علقيها في المطبخ حطي فيها قصافه او ادويه سريعه او اي حاجه فمتناول ايدك.....
تحياتي ماما رهيبه

طبق زينه من عجينة الورق

هاي متابعي ماما رهيبه...
عجينة الورق وازاي نعملها ونستفاد من الورق القديم...
هاتي اي ورق قديم سواء كرتون او ورق وياسلااااام لو كرتون البيض ....قطعي الورق والكرتون ولينيه بميه سخنه فاي طبق بلاستيك كبير ....
بعد فتره صفي الورق من الميه واعجنيه كويس وافركيه بايدك او بالخلاط . 
ضيفي الغرا الابيض للعجن....
شكلي العحينه زي ماتحبي .. ...
انا جبت طبق غويط وحطيت عليه كيس بلاستيك وفردت العجينه عليه كويس لحد ماخدت شمل الطبق وهو مقلوب طبعا ...وسبته ينشف تحت المروحه براحته كذا يوم ....
بعد كده خدته وكان سعل اشيله عشان الكيس البلاستيك الي حطيته ...ورشيته باسبراي دهبي....وحطيته في الركنه بحط فيه المفاتيح او الريموتات .....
تحيااااتي ماما رهيبه