الأحد، 17 مارس 2019
السبت، 16 مارس 2019
اصنعي بنفسك اجمل مفارش من قماش الخياميه
متر قماش الخياميه الخفيف مش التقيل يعملك 6مفارش وكمان مفرشين بس فيهم جزء ابيض علي جنب .....
قصي المفارش بالحجم المناسب ليكي.....
قفلي المفرش من الجوانب ...اتني الجنب لجوه وقفلي باستخدام مسدس الشمع....
الزقي استرس بالشمع وكده المفرش جاهز ...المفارش دي تغسليها بميه بارده علشان الشمع ميفكش ....
زيني الركنه او المطبخ واعملي اجواء رمضان فبيتك بنفسك.....
الكفته المحمره بالفلفل الأخضر
المقادير ...نص كيلو لحمه مفرومه....بصلتين كبار مع عشر فصوص توم .....خضره يعني كسبره وبقدونس وشبت .....بيضه .....شوية دقيق ....وملح وتوابل وربع كوب ماء .....
نخش ع الطريقه ...
في الكبه افرمي البصلتين مع التوم والملح ...
الجديد بقي ....افرمي قرنين فلفل اخضر بارد او حامي زي ماتحبي...
افرمي الخضره بتعتك
ضيفي كل ده علي اللحمه المفرومه وعليهم البيضه وحوالي اربع معالق دقيق وشوية ميه واعجني ....
اقلي الكفته صوابع او كور ...وبالف هنا وشفا
تحيااااي ماما رهيبه
تتبيل البط
البط ليه طرق كتير وتتبيلات اكتر ولو مش هتحشيه يبقي يتسلق عادي وبعد السلق عندك اكتر من تتبيله....
التتبيله بتاعتنا انهارده هي عصير طماطم فريش مع توابل وبهارات مخلطه مغ فلفل اسود وشطه وملح ونقطاين خل .....
ضيفي كل ده علي بعضه وضيفي معلقتين زيت واخلطيهم علي قطع البط المسلوق ودخليهم الفرن وبالهنااااااا
مفارش من الحبال
ابدأي بعمل دايره صغيره من الحبال وثبتيها بالشمع ولفي وثبتي بالشمع وهكذا افضلي لفي الحبال وثبتيها بالشمع لحد ماتكبر معاكي الدايره ولحد ماتوصلي لمقاس وحجم المفرش الي تفضليه...قصي طرف الحبل وثبتيه من تحت بالشمع....ضيفي الاسترس او الالماظ للمفرش .....
تحيااااتي .....ماما رهيبه
الحقييي احلي منظم للفوط ب12جنيه
تعالوا نعمل اجمل منظم للفوط ومش هنتكلف كتير....
الطلبات كرتونه ....حبال غسيل ...مقص ....مسدس شمع....اي قماشه قطن او كيس مخده قطن قديم للبطانه....
هنجيب الكرتونه ونعمل فتحتين من الجوانب علشان نعرف نمسكها منهم باستخدام الكاتر او المقص. .
هنبدأ بلصق الحبال من جميع الجوانب بشكل متصل باستخدام مسدس الشمع ومش لازم نحط شمع كتير ممكن عادي نثبت فجزء ونسيب جزء....لحد مانغلف الكرتونه كلها.. هنجيب كيس مخده يكون قطن ونبطن بيه الكرتونه من جوه برضو باستخدام مسدس الشمع... لو حابه تزينيها بالستان او الاسترس براحتك .. ممكن تحطيها جمب الحمام علي اي رف او داخل الحمام فوق رف او فوق الغساله للاستخدام اليومي.....
تحياتي ....ماما رهيبه....
عمل منظم للتسريحه من سلة قديمه
تحياتي ....ماما رهيبه
الاشتراك في:
الرسائل (Atom)
أجهزة غريبة للمطبخ
يمكنك تجهيز مطبخك بالأجهزة المختلفة التي تساعدك على إتمام المهام المختلفة المتعلقة بالطبخ وتجهيز الطعام والشراب, فتستخدم غالبية السيدات الخ...
-
ليس لديك المال الكافي لبدء مشروع وتريد زيادة دخلك؟ ليس لديك حرفة خاصة بك ولا المهارة الكاملة لبدء مشروع ما؟ هناك العديد من المشروعا... -
ليس لديك المال الكافي لبدء مشروع وتريد زيادة دخلك؟ ليس لديك حرفة خاصة بك ولا المهارة الكاملة لبدء مشروع ما؟ هناك العديد من المشروعات... -
صباح الخير عليكم انهارده كان فطارنا مفتله اللي هي دي للي مش عارفها بتغلي مايه زي المكرونة بالظبط وأول ماتتغلي نزلي شوية مفتله...