الاعتناء بالبشرة الدهنية

الاعتناء بالبشرة الدهنية له العديد من الطرق من اهمها:

1- عدم غسيل الوجه بكثرة حتي لا تتأثر البشرة بالسلب
2- الابتعاد عن تناول الوجبات المليئة بالدهون والوجبات السريعة التي تؤثر بالسلب علي بشرتك
3- غسل الوجه بالماء الدافئ لما فيه من فوائد للبشرة الدهنية
4- استخدام الزيوت المرطبة للبشرة بدلا من الكريمات
5- استخدام الحليب المعالج بالماغنيسيوم لتنظيف البشرة الدهنية

سلطة فواكه ولا أروع

شوفوا يا جماعه 

كان عندي كذا نوع من الفاكهه وكلها بواقي وانواع مختلفة

قلت اعمل بيكم ايه

قطعتهم كلهم  حتت صغنونه وضفت عليهم سكر وكان عندي عصير جوافه حطيت منه برضو وحطيت سكر وقطعت عليهم تين مجفف وشوية ميه وبالهنا والشفا 

تورتة قلب سهلة جدا

ازيكم يا قمرات 

بصراحة كان نفسي اعمل تورتة قلب ومعنديش قالب علي شكل قلب 

عملت كيكة عادية جدا بمكونات سهلة خالص 

خمس بيضات وكوباية سكر ضربتهم لحد مالونهم فتح وزودت عليهم شوية زيت وطبعا فانيليا وبعد كده ضفت عليهم شوية لبن وعصير برتقال 

كل ده بالمضرب الكهربا طبعا

بعد كده جبت الدقيق وابتديت ازود بصراحه من غير مقدار المهم لحد ماقوامها يبقي حلو وفالاخر ضفت البيكنج بودر 

وجهزت الصينية المدورة عادي جدا بطنتها بسمن وفوقه رشة دقيق وصبيت الخليط ودخلته الفرن علي درجة حرارة 180

لحد ماترفعت من غير مافتح عليها وبعد كده وطيت الفرن خالص عشان تستوي من جوه

الخدعه بقي اللي عملتها جبت عود خلة ولما الكيكة طلعت وبردت قلبتها ورسمت عليها قلب باستخدام 

عود الخلة وقطعت الزياده بالسكينة و قسمتها نصين وحشيتها كريم شانتيه وزوقتها واهي كيكتي القلب

مانيكير فرنش بطريقة سهلة

اعملي مانيكير فرنش بنفسك بطريقة سهلة جدا 

امشي بفرشة المانيكير الأبيض علي الجزء الخارجي لضافرك وهاتي عيدان الكوتن بادز اللي هي عيدان قطن الأذن وساوي بيها 

الزيادة اللي فالضافر

استمري وبعد كده هاتي ملمع الأظافر واستخدميه فوق أظافرك كلها وده شكله النهائي

نصائح للحصول علي بشرة جميلة

لو عايزة بشرتك تبقي جميلة دايما حاولي تركزي علي الخطوات اللي جاية :

1- اشربي مياه كتير يوميا للحفاظ علي بشرتك نضرة وجميلة

2- اعرفي نوع بشرتك سواء جافة او دهنية او مختلطة

3- لو عندك حبوب في بشرتك أوعي تضغطي عليها ابدا 

4- دايما بعد غسيل وجهك نشفيه بفوطة قطنية 

5- استخدمي كريمات مرطبة تكون مكونة من اعشاب طبيعية 

6- خففي استخدام المكياج خاصة في اوقات الصباح

7- استخدمي مزيل المكياج الخالي من المواد الكيماوية 


ودايما تابعينا فماما رهيبة علشان هننزل وصفات وماسكات لجميع انواع البشرة 

نصائح لجمال بيتك ونضافته

علشان تخلي غرفة الجلوس دايما ريحتها جميلة هاتي سرنجة وامليها برفان واحقنيها فالأنتريه                                                      

لنظافة السجادة رشي عليها ملح طعام واتركيه للصباح وبعدها اكنسيها وهتشوفي جمالها             

لتنظيف الطاسة السخنة من الزيت بدون مجهود امسحيها بورق جرايد وبعد كده اغسليها            

·        لإزالة البقع اللازقة علي أرضية الحمام رشي ملح ليمون مع مياه علي السيراميك بالحمام واتركيه للصباح ثم امسحي الحمام ستتفتت أي ترسبات وتزول

طريقة عمل كاسات و صواني الافراح بايدك انتي

ايه رأيك تعملي كاسات الفرح او الخطوبة فالبيت

تعالي نشوف محتاجين ايه

محتاجين كاسين من اي طقم عندك

محتاجين شرايط ستان وشرايط الماظ او استرس

مسدس شمع وكمان اي ورود موجوده عندك وكمان تل او ريش 

وكمان هاتي صينية علشان هنزوقها مع الكاسات

ابدأي الزقي شرايط الستان باللون اللي تحبيه علي الكاس باستخدام مسدس الشمع

وهكذا لحد مايتغطي كله وضيفي الاسترس بشكل دائري او مائل

هاتي الصينية والزقي التل من الجناب والزقي الشريط الألماظ علي جوانب الصينية وعلي الأيدين وضيفي الورود من الجناب وطبعا متنسيش تلزقي اي مفرش او قماشة ستان في ارضية الصينية 

وده هيكون شكلهم النهائي