فن وجمال الموزاييك

مش هتكلم هسبكم تستمتعوا بالصور

فن الرسم بالرمال جمييييييل

فن رائع وجميل بجد اتفرجوا علي الصور دي هتعجبكم جدا

كاسات وصينية الخطوبة بإيدي انا

لو عايزة كاسات خطوبة او فرح  اعمليهم بنفسك فالبيت او ابعتيلي اعملهملك انا بنفس 
طريقة كاسات الفرح يا جماعه الي نزلتهالكم هنا وده الرابط بتاعها 
http://mamaraheeba.blogspot.com.eg/2016/01/blog-post_28.html


دوسي علي الرابط هيجبلك الموضوع دوسي عليه واتفرجي 

دي بقي كاسات الخطوبة والصينية يا قمرات

الفايش الصعيدي

ازيكم يا جماعه عاملين ايه طبعا كلنا عارفين الفايش الصعيدي الجميل بيتعمل بخميره بالسمسم او الرده او الفول من بليل تخمر فبرطمان احنا بقي اختصرنا السكه وعملنا الفايش السريع حطينا حتة خميره قد صوباعين علي لبن وسكر وكركم وسمنه وسمسم  وقلبنا وضفنا الدقيق وعجنا وسبناها تخمر 

وبعد ده خمرت ماشاء الله قطعناها فالصيجان ورصيناها فالشمس تخمر

وهنا بعد ماخمرت 

وبعد كده دخلناها الفرن والع تحت وفوق درجة حرارة وسط

وبعد كده تبرد القرص وتهدي وتتقطع صوابع وتترص فالصيجان تاني وتتحمص علي نار هاديه جداااا وتطلع تتهوي وبالف هناااااا

علبة لحفظ الروشيتات

مساء الخير عليكم حبايبي 


كان عندي علبة كبيرة بتاعة عباية ثوب الدفه بتاعة جوزي 

هو فكر نلم كل الروشيتات بتاعة الداتره جواها 

وانا بطنتها من جوه بمفارش قديمه وزوقتها من بره بصوا كانت ايه وبقت ايه 

بامية وشوربة وفرخة محشية من مطبخي بالصور

انهارده جيبالكم غدوة اتفضلوا معايا 

اول حاجه قطعت بصله وحمرتها مع قرن فلفل وشوية خضره عالنار وضفتلها الرز وحمرته شوية وضفت عليه ميه وورق لورا وسبته يستوي نص سوا علشان احشي بيه الفرخه 

حشيت الفرخه بعد كده وربطها بصراحه مقدرتش عليها فربطها

فحلة الرز بتاع الحشو غليت ميه ومعاها البوكيه جارنيه جزره وبصله وطماطمايه وورق لورا وحبهان وملح وفلفل ومرقة دجاج

ونزلت الفرخة

لما استوت اخدت شوية شوربة وحطيت فيها كيس البامية اللي متلجاها ومخزناها فالبيت من فتره وطريقة تخزينها سهلة جدا يدوب بتاخد غلوة او اقل وبعدين تكيسيها وعالفريزر طبعا بعد ماتكوني غسلتيها وقطعتيها قطع متوسطه

نزلت بها فحلة فيها شوية شوربه وسبتها تغلي وبعد كده اما بالمفراك او بالخلاط بس خلي بالك الخلاط متضربيش كتير يعني دوسي وافصلي وارجعي شغلي وافصلي بسرعه 3 مرات وخلاص علي كده علشان متبوظش منك 

وكنت مفصصه التوم ودقيته ومع سمنه حمرته ونزلت بالطشه دي عالبامية

اخدت الفرخة فصينية ودهنتها حتة سمن وزيت وحمرتها وممكن تدهنيها زيت مع صلصة وتدخليها الفرن 

وبالف هنا وشفا 

فوووووول بالزيت والفلفل الحار

ان خلص الفول انا مش مسؤووول 

فول مدمس بيتي وهبقي انزلكم طريقة تدميسه ان شاء الله 

قطعت فلفل وطماطم ونزلتهم عالفول فالطاسه مع الزيت وملح بكمون وشطه وعيشي 

وجمبهم جبنه قريش بيتي برضو هنزلها قريب وسلطه خضرا وعيش بلدي كله بيتي يا جماعه وبالهنا والشفا الصور بقي