ماما رهيبة

الجمعة، 11 مارس 2016

افكار بالكرتون

فكرة بالكرتون

تعالو نتعلم ونعلم أولادنا عمل افكار جميلة ومفيدة بورق الكرتون .

1- نجيب قطعة من الكرتون ونرسم عليها أربع مربعات أو مستطيلات ونعتبرهم الأربع جوانب زى الرسم .

2- نلون الورقة الأول أو نغلفها بأى ورق ألوان.

3- لو معرفناش نعمل المربعات الصغيرة الي بتدخل فى بعض ممكن نلصقها الورق سهل لصق .

4- نعمل فانوس ونسيب ألاودنا يعملو بنفسهم مقالم أو علبة لتخزين لعبهم طبعا تحت اشرفنا عشان استخدام المقص .

تعالوا نتفرج ع الصور هتوضحلكوا ازاي تستغلوا الكارتون فحجات بسيطه وشكلها حلو

10 طرق لتنعيم الشعر

10 طرق لتنعيم الشعر

الطريقة الأولى :

مقادير متساوية من ( زيت السمسم –زيت جوز الهند –زيت الخروع – زبدة ) ثم يضاف اليها المكونا ت ( 2 صفارة بيض- ربع كوب عصير جرجير – 3 معالق مايونيز ) بعد خلطها بالخلاط ثم يضاف اليها كوب أو نصف كوب من خلطة الزيوت السابقة لمدة ساعتين مع تغطية شعرك ويتم ذلك مرتين أو 3 مرات فى الأسبوع .

الطريقة الثانية :

اخلطي عسل مع زيت اللوز أو زيت الخلطة التى استعملناها فى سابق ثم ضعيها على شعرك مرة فى الشهر أو فى الأسبوع (اذا أردتى نتيجة سريعة ).

الطريقة الثالثة :

2 ملاعق زيت السمسم +1 معلقة صغيرة عسل نحل + 1 بيضة

تخلط جميع المكونات ويدلك بها الرأس والشعر لدقائق ثم يلف منشفة لمدة نصف ساعة ثم يغسل الشعر .

الطريقة الرابعة :

(هذة الخلطة لتنعيم وتطوير الشعر وتوقف التساقط )

نطحن كمية من السحلب ونخلطها مقدارين متساوين من زيت الخروع و زيت الشمطرى .

الطريقة الخامسة:

1 زيت زيتون + 1 حبة البركة مطحونة + صفار بيضة تخلط جميع المكونات وتوضع فى فروة الرأس بطاقية النايلون لمدة ساعة على الأقل ممكن مضاعفة الكمية أن لم تكفى .

(تستخدم الطريقة يوميا ان استطعت كل يوم وستلاحظين مفعولها)

الطريقة السادسة :

(زيت نارجيل أصلى + عشبة سابلة + ماكسة + ساق الحمام)

توجد المكونات عند العطار. يؤخذ من كل مفدار 2 ملاعق مطحونة و تسخن حتى تغلى مرة واحدة .

وعندما تبرد يدهن بها الشعر لمدة ساعتين مع الأستمرار على الطريقة بفر د الشعر بدلا من الفرد الكيميائى .

الطريقة السابعة :

5 ملاعق مايونيز + 2معلقة كريم (بارشوت ) + 2 حمام زيت صبار + 1 معلقة حبة البركة مطحونة .

تخلط المكونات جيدا ثم نضعهاعلى الشعر لمدة ساعتين و الأفضل أن نضع غطاء الشعرالبلاستيك ثم نغسل الشعر .

الطريقة الثامنة :

4 أكوابزيت عادى نقى + 2 كوب حلبة مطحونة

اخلطى الزيت مع الحلبة وضعيها على النار قليلا ثم ضعية فى علبة وعند الأستخدام رجى العلبة جيدا واستخدميها بالليل يوميا ثم تغسل بالشامبو .

الطريقة التاسعة :

اخلطى 5 ملاعق زيت اللوز الحلو + 5 ملى زيت الأفوكا + 15ملى زيت زيتون + 15 ملى عسل .

ضعى المزيج على شعرك ودلكى الفروة جيدا .و اتركبة لمدة خمس دقائق ثم اغسلى شعرك بالشامبو و الماء الدافئ .

الطريقة العاشرة :

اخلطى مقادير متساوية من ( الزبادى + العسل +زيت الزيتون ) وضعية الشعر كحمام زيت .

اعملى دة ومتعمليش دة

اعملى دة ومتعمليش دة

اهتمى بنفسك فى البيت مكياج بسيط وبرفان و غيرى من قصة شعرك ولبس نظيف بلاش تفضلى بلبس شغل البيت طول اليوم .

© دة هيخليكى ملكة وجوزك مختلف وحياتك أحلى مليانة تفاؤل وهتتعكس للعيال .

ý ماتهمليش فى نفسك وتشتكى من معاملة جوزك أو اعجابة بأى وحدة حتى لو كانت أقل منك زكاء وجمال هية ببساطة مهتمة بنفسها شوية ومدلعة جوزها وعيالها .

حاولى لما تخلصى شغل البيت وخصوصا الاكل تغيرى لبسك و ياريت قبل ماييجى جوزك من الشغل .

ý ماتفضليش بلبسك طول اليوم بيكون طالعة منة ريحة الأكل وشكلة مش ظريف .

حاولى تشوفى الحاجات الحلوة ال فى صحابك والمواقف اللى كانو جنبك فيها و مميزاتهم .

ý ماتمسكيش كل العيوب وتشوفيهم أسوء ناس فى الدنيا وتقاطعيهم ممكن تكونى مكانهم فى يوم من الأيام وسعتها ماحدش هيلتمسلك أى عذر حتى لو بسيط .

حاولى تتصرفى بايجابية مع الحاوليك وتكونى خدومة يعنى لو رايحة مشوار وحد فطريقك عايز حاجة جبيها معاكى مش هاتخسرى حاجة أو حد طلب منك تساعدية فى حاجة تعرفيها متبخليش بيها .

© دة هيزود تماسكك بالناس و يعلمك التواضع وتحسى أنك صالحة أكتر لتصريف ازمة حد .

ý متكنيش سلبية وعازلة نفسك ب(وأنا مالى)انهرضا بتعملى خدمة بكرة تترد الف خدمة ولو متردتش مش مهم .

(اعمليها لله).

نظمى بيتك و نظيفة وخلى ريحتة حلوة ممكن يجيلك ضيف من غير معاد يزورك.

© دة هيخليكى سعيدة ومرتاحة و يضيف سحر وكأنك فى قصر و أولادك يتعودو على ان البيت منظم وجميل .

ý متسبيش البيت هايص وتهملي فية وتشتكى ان الولاد مش منظمين وكمان نظرة الناس للست المهملة بتكون سيئة ومش محترمة حتى لو كان بيوتهم سيئة هيتظاهرو بالعكس .

اعملى حاجة حلوة وادخلى بيها عند مامتك أو أصحابك أو قريبك كل فترة حتى لو شوية حلويات للعيال .

© دة هيخلي فى روح أسرية جميلة و يكسر أى زعل أومشكلة بينكم قديمة أو حديثة .

ý متسبيش نفسك لعدم المبالاة وكأن شئ لم يكن دة يضيع عليكى لمة وحب الأسرة وهتحسيها بعدين وعيالك كمان هيتأثرو بيها

ماتحوليش تقللى من جوزك قدام الناس حتى اخواتة وافتكرى دايما اللحظات السعيدة حتى لو قليلة .

© دة هيخلى الناس تحترمة وتقدرة قدامك ومن وراكى وتعملة ألف حساب .

ý متفضليش تشكى على أتفة الأسباب حال الناس مستخبى معاهم ومش كل البيتحكى صح ويوم ماييجى موقف حقيقى يلزمك تدافعى عنة محدش هيصدقك والكل هيستخسرة فيكى .

حاولى تكونى فخورة بحياتك وتحمدى ربنا عليها كتير من ال حوليكى لو عشتى معاهم هتعرفى انك فى كنز كبير .

© دة هيخليكى متوازنة وسعيدة اجمل كتير وربنا مباركلك فيها و فأولادك وجوزك واستقراركم .

ý ماتفضليش تبصى على الناس وتحسى ان حالتهم أحسن منك دة هيولد جواكى احساس بالحقد ويخليكى عمرك ماتحسى بأى فرحة و يتعكس كل دة على ولادك وجوزك وبيتك وتخسرى كل حاجة .

الدنيا عمرها ماوقفت عشان مشكلة مهما كانت سهلة أو صعبة كلة بيعدى متحبطيش و تشوفى نفسك مظلومة أكيد فى سبب ولو صغير كبر المشكلة .

© خليكى حيادية ومتفائلة هتلقى أى مشكلة سهلة وليها حل بسيط يريحك و يسعد أسرتك .

ýحاولى تمتصى المشكلة وتكونى هادية عشان ماتخسريش كل حاجة فى لحظة غضب .

اعملى لأولادك أكلة ظريفة أو مشروب كل يومين تلاتة وهاتيلهم هدية تشجيع لأى موقف حلو .

© دة هيغير الكتير فى تصرفتهم ويشجعهم يكونو أحسن .

حولى تعلمى أولادك يرتبو سرايرهم يغسلو اديهم ووشهم وينظمو شنط المدرسة ويلمو لعبهم بعد اللعب .

© دة هيخليهم يعتمدو على نفسهم من الصغر ويكونو منظمين فى أى مكان .

خدى ولادك يوم فى الأسبوع فى أى حتة اشربى عصير أتغدى.

© دة هيخرجهم من زحمة المذاكرة وخليهم يواصلو أحسن .

مش هيحسو انهم مهملين ومش وخدين حظهم من الرفهية وهيأثر على سلوكهم .

حافظى على هدوئك فى البيت بلاش زعيق كل شوية على أقل حاجة

© دة هيخلى بيتك هادى وسهل التفاهم مع أى مشكلة بدون توتر

خلى الزعل والعقاب لحاجة تستاهل عشان يحسو أولادك أن حصلت حاجة كبيرة .

متضربيش ولادك قدام أى حد أو أطفال زيهم دة هيحرجهم ويخليهم مهزوزين ويخلى الكل يستهتر بيهم لأن أطفال بيمسكو أى تصرف سيئ لبعض عشان بدافعو عن نفسهم انهم احسن .