اعملى دة ومتعمليش دة
اهتمى بنفسك فى البيت مكياج بسيط وبرفان و
غيرى من قصة شعرك ولبس نظيف بلاش تفضلى
بلبس شغل البيت طول اليوم .
© دة هيخليكى ملكة وجوزك مختلف وحياتك أحلى
مليانة تفاؤل وهتتعكس للعيال .
ý
ماتهمليش فى نفسك وتشتكى من
معاملة جوزك أو اعجابة بأى وحدة حتى لو كانت أقل منك زكاء وجمال هية ببساطة مهتمة
بنفسها شوية ومدلعة جوزها وعيالها .
حاولى لما تخلصى شغل البيت وخصوصا الاكل
تغيرى لبسك و ياريت قبل ماييجى جوزك من الشغل .
© دة هيخلي جوزك يحس باهتمامك
بنفسك وبية وتكونى فعينة جميلة و فنفس الوقت مراعية بيتك وأكلة ودة أهم حاجة عندة .
ý ماتفضليش بلبسك طول اليوم بيكون طالعة منة ريحة
الأكل وشكلة مش ظريف .
حاولى تشوفى الحاجات الحلوة ال فى صحابك
والمواقف اللى كانو جنبك فيها و مميزاتهم .
© دة هيخليكى تلتمسى ليهم العذر ممكن ظروف متعرفيهاش تخلى الواحد
سيئ وعنيف جوزها منكد عليها – تعبانة ماديا –أولادها تعبينها وغيرة من مشاكل ممكن مانحكيهاش .
ý ماتمسكيش كل العيوب وتشوفيهم أسوء ناس فى
الدنيا وتقاطعيهم ممكن تكونى مكانهم فى يوم من الأيام وسعتها ماحدش هيلتمسلك أى
عذر حتى لو بسيط .
حاولى تتصرفى بايجابية مع الحاوليك وتكونى خدومة
يعنى لو رايحة مشوار وحد فطريقك عايز حاجة جبيها معاكى مش هاتخسرى حاجة أو حد طلب
منك تساعدية فى حاجة تعرفيها متبخليش بيها .
© دة هيزود تماسكك بالناس و يعلمك التواضع
وتحسى أنك صالحة أكتر لتصريف ازمة حد .
ý متكنيش
سلبية وعازلة نفسك ب(وأنا مالى)انهرضا بتعملى خدمة بكرة تترد الف خدمة ولو متردتش
مش مهم .
(اعمليها
لله).
نظمى بيتك و نظيفة وخلى ريحتة حلوة ممكن يجيلك
ضيف من غير معاد يزورك.
© دة هيخليكى سعيدة ومرتاحة و يضيف سحر وكأنك
فى قصر و أولادك يتعودو على ان البيت منظم وجميل .
ý متسبيش البيت هايص وتهملي فية وتشتكى ان الولاد
مش منظمين وكمان نظرة الناس للست المهملة بتكون سيئة ومش محترمة حتى لو كان بيوتهم
سيئة هيتظاهرو بالعكس .
اعملى حاجة حلوة وادخلى بيها عند مامتك أو
أصحابك أو قريبك كل فترة حتى لو شوية حلويات للعيال .
© دة هيخلي فى روح أسرية جميلة و يكسر أى زعل
أومشكلة بينكم قديمة أو حديثة .
ý متسبيش
نفسك لعدم المبالاة وكأن شئ لم يكن دة يضيع عليكى لمة وحب الأسرة وهتحسيها بعدين
وعيالك كمان هيتأثرو بيها
ماتحوليش تقللى من جوزك قدام الناس حتى
اخواتة وافتكرى دايما اللحظات السعيدة حتى لو قليلة .
© دة هيخلى الناس تحترمة وتقدرة قدامك ومن
وراكى وتعملة ألف حساب .
ý متفضليش تشكى على أتفة الأسباب
حال الناس مستخبى معاهم ومش كل البيتحكى صح ويوم ماييجى موقف حقيقى يلزمك تدافعى
عنة محدش هيصدقك والكل هيستخسرة فيكى .
حاولى تكونى فخورة بحياتك وتحمدى ربنا عليها كتير من ال حوليكى لو عشتى معاهم
هتعرفى انك فى كنز كبير .
© دة هيخليكى متوازنة وسعيدة اجمل كتير وربنا
مباركلك فيها و فأولادك وجوزك واستقراركم .
ý ماتفضليش تبصى على الناس وتحسى
ان حالتهم أحسن منك دة هيولد جواكى احساس
بالحقد ويخليكى عمرك ماتحسى بأى فرحة و يتعكس كل دة على ولادك وجوزك وبيتك وتخسرى
كل حاجة .
الدنيا عمرها ماوقفت عشان مشكلة مهما كانت
سهلة أو صعبة كلة بيعدى متحبطيش و تشوفى نفسك مظلومة أكيد فى سبب ولو صغير كبر
المشكلة .
© خليكى حيادية ومتفائلة هتلقى أى مشكلة سهلة
وليها حل بسيط يريحك و يسعد أسرتك .
ýحاولى تمتصى المشكلة
وتكونى هادية عشان ماتخسريش كل حاجة فى لحظة غضب .
© أما عن ولادك حبيبك
اعملى لأولادك أكلة ظريفة أو مشروب كل يومين
تلاتة وهاتيلهم هدية تشجيع لأى موقف حلو .
© دة هيغير الكتير فى تصرفتهم ويشجعهم يكونو
أحسن .
حولى تعلمى أولادك يرتبو سرايرهم يغسلو اديهم
ووشهم وينظمو شنط المدرسة ويلمو لعبهم بعد اللعب .
© دة هيخليهم يعتمدو على نفسهم من الصغر ويكونو
منظمين فى أى مكان .
خدى ولادك يوم فى الأسبوع فى أى حتة اشربى
عصير أتغدى.
© دة هيخرجهم من زحمة المذاكرة وخليهم يواصلو
أحسن .
مش هيحسو انهم مهملين ومش وخدين حظهم من الرفهية وهيأثر على
سلوكهم .
حافظى على هدوئك فى البيت بلاش زعيق كل شوية
على أقل حاجة
© دة هيخلى بيتك هادى وسهل التفاهم مع أى مشكلة
بدون توتر
خلى الزعل والعقاب لحاجة تستاهل عشان يحسو
أولادك أن حصلت حاجة كبيرة .
متضربيش ولادك قدام أى حد أو أطفال زيهم دة
هيحرجهم ويخليهم مهزوزين ويخلى الكل يستهتر بيهم لأن أطفال بيمسكو أى تصرف سيئ
لبعض عشان بدافعو عن نفسهم انهم احسن .
© حافظى على شكلهم وشجعيهم قدام الناس واحكى عن
أى حاجة حلوة عملوها وافرضى شخصيتهم
وكبريها دة هينمى فيهم الشجاعة وقوة الشخصية ويعلمهم ان التصرفات الحلوة بتفرح
الكل .
ليست هناك تعليقات:
إرسال تعليق