نسلق كيس مكرونة اسباجتى نص سلقة .
نعمل الباشاميل : 7معالق دقيق - معلقة سمن - زيت - ملح -فلفل - 2 مرقة - نص كوب لبن - بهارات
نحمر الدقيق على النار مع السمن والزيت ونضيف كوب مية ونضربة بالمضرب السلك كويس و نضيف اللبن
ولو عندنا شوربة نضيف كوب ونكتفى بمرقة واحدة .
ونسيبة عالنار شوية لحد ما يتخن القوام ونضيف المرقة والبهارات و الملح والفلفل .
نخلط نص كمية الباشاميل فى المكرونة كويس .
ندهن الصنية زيت ونرش شوية دقيق أو بقسمات .
ونحط نص كمية المكرونة بالباشاميل .
ونحط العصاج ونفردة كويس على المكرونة
ولو تحبى تضيفى أى مكونات تانية ضيفى فلفل اخضر -طماطم -جبنة رومى .
ونحط النص التانى من المكرونة عليها .
ونضيف باقى الباشاميل عليها .
ونضرب بيضة فى نفس طبق الباشاميل و نرشة عالوش .
وبالهنا والشفا .
