افكار لعيد الميلاد

يا جماعه فكرتلكوا في شوية حجات لأعياد الميلاد واللي عنده فكره يقولها برضو

1- ممكن نجيب بلونات ونكتب عليها اسماء الاخوات او القرايب او الاصدقاء اللي هنعزمهم وهما ماشيين كل واحد ياخد البالونة اللي عليها اسمه

2- ممكن نخلي ابننا او بنتنا يكتب دعوات للادقاء والأقارب بنفسه ويلونها

3- ممكن نعمل شجرة للتوفي او الشكولاته باستخدام الفل او الفلين مع عيدان وحلويات

4- ممكن نعمل للطفل لبس معين مستوحي من كارتون مثلا يكون بيحبه او تاج او كاب 

5- ممكن نعمل معجنات بالاحرف الانجلش بتاعة اسمه واسماء اصحابه وقرايبه اللي من سنه جمب التورتات والبيتزات 

6- نعمل تورتات وميني بيتزا وسمبوسة ومعجنات مختلفة وكوكيز وعصاير 

7- ممكن نعمل حوالين السفرة شريط ستان يقصه الطفل قبل مايدخل يطفي الشمع 

8- ممكن نعمل ألعاب للاطفاال زي لعبة الدبوس بتاعة زمان كنا نخبي دبوس ونخلي حد يدور عليه زي كده مثلا

9- لو الطفل كبير شوية نعوده كل عيد ميلاد يتبرع بحاجه من حجاته لطفل غيره يكون محتاج وده هينمي جوه مساعدة الغير والتعاون