بطاطس محمرة للمبتدئين

طبعا مش كل البنات بتعرف تدخل المطبخ وتعمل اكل 

في حجات سهلة وبسيطة لو كنتي بنوته لسه بتدرسي وجوعتي مثلا وعايزة تجهزي لنفسك حاجه سريعه

هاتي البطاطس وقشريها وبعد كده اغسليها كويس جدا وقطعيها حلقات 

وقطعي الحلقات دي صوابع 

سخني الزيت وانزلي بالبطاطس وأوعي تقلبيها غير لما تبدأ لونها يتغير علشان ماتتكسرش و تشرب زيت

وقلبيها وبعد كده طلعيها مالزيت

وممكن تقلي جمبهم شوية فلفل اخضر 

اهم حاجه فقلي الفلفل انك تغسليه وتنشفيه وبالسكينة افتحي كل قرن قبل القلي عشان ميفرقعش لما ينزل فالطاسة  ولما  يتحمر طلعيه وعلاطول ملحيه ورشي سنة خل عليه وبالهنا والشفا