سمك بلدي ورز وتقلية من مطبخي بالصور

ازيكم يا جماعه 

انهارده جيبالكم شوية سمك بلدي صغير جميل ولذيذ جدا اتفضلوا معانا

اغسلي السمك بعد فتحه وتنضيفه كويس جدا بالخل والميه والملح والليمون

حضري الدقيق وضيفي عليه الكسبره والفلفل والملح بالكون والشطه

جهزي التوم ودقيه وتبلي بيه السمك مع ليمون وسيبيه عبال ماتعملي التقلية والرز الابيض او بالخلطه براحتك

فحلة قطعي بصله مع بصله أخري وحتة فلفل حار مع سنة زيت وسنة سمن وحمريهم وانزلي عليهم بعصير الطماطم وسيبيهم يتسبكوا

فحلة تانية حمري الرز وضيفي عليه المية المغليه والملح وحتة مرقة دجاج ووطي النار زي ماقلنا قبل كده فطريقة عمل الارز للمبتدئين

تبلي الدقيق زي ماقلنا وحطي السمك واحده واحده في الدقيق 

اقلي السمك ولما يحمر كويس من الناحيتين طلعيه ورشي عيه ليمون 

وقدميه مع التقليه او نزليه جواها فصينية وجمبهم الرز الابيض وسلطة خضرا وليمووووون وبالف هنا وشفا