مينى بيتزا للأطفال

المقادير 

1و1/2 كوب دقيق - 2 معلقة كبيرة زيت - 1 معلقة صغيرة بيكنج بودر 

1 معلقة صغيرة خميرة فورية - رشة سكر - رشة ملح

هنحط المكونات الجافة كلها وعليها الزيت . 

ونعجن المكونات بالمية حسب ماتحتاج المهم 

ماتكونش جامدة ولا طرية خالص . 

 نكور العجينة فى الطبق . 

ونغطية بكيس ونربطة و نسيبة ربع ساعة . 

بعد مافتحنا الكيس العجينة خمرة كويس . 

نجهز المكونات :

لحمة عصاج - جبنة مدزريلا - مربعات طماطم - مربعان فلفل أخضر - زيتون مقطع . 

نخلط الطماطم والفلفل والزيتون على بعض و نرش عليهم شوية بهارات أو زعتر 

نفرد العجينة فى صنية واسعة . 

ونحط اى طبق مقلوب عليه بالحجم المحتاجينة . 

 نضغط عالطبق ونشيلة نلاقى الشكل اتحدد . 

ونعمل كدة فى كل العجينة لحد ما تخلص . 

نرصها فى صنية مدهونة زيت ومرشوشة دقيق . 

ونحضر 2 معلقة كبيرة صلصة معها رشة زعتر . 

ونحط على كل وحدة نص معلقة ونفرشها عالعجينة . 

ونحط شوية جبنة . 

وعليهم شوية لحمة . 

و عليهم خلطة الطماطم والفلفل و الزيتون. 

وعليهم شوية جبنة تانى . 

وندخلهم الفرن على 180 درجة . 

بالهنا والشفا