الكانولونى - من مطبخ أم ياسين
المقادير :
2 كوب دقيق - 1 بيضة - 1\2 و 1 كوب مية
نخلط المقادير كلها .
ونضرب كويس بالشوكة أو مضرب سلك .
نسخن الطاسة ونحط معلقة زيت .
ونصب شوية ونلفهم بسرعة فى الطاسة .
ونقلبها لما تحمر بأى حاجة عرضة مسطحة زى مقصوصة البسبوسة .
نرصهم على مناديل المطبخ عشان تشرب الزيت منها .
ونحضر لحمة مفرومة عليها بصل وفلفل شرايح وملح وفلفل عالنار لحد ماتستوى .
ونحشى الطرف ونلفها كويس .
ونحطها فى نفس الطاسة من غير زيت .
ونخلط معلقة صلصة عليه معلقة مية وشوية ملح وفلفل .
وندهنها من فوق .عشان تدينا وش ونقلبها .
وبالهنا والشفا .
ليست هناك تعليقات:
إرسال تعليق