ساندوتش البيتزا
المقادير :
3 كوب دقيق - 2 معلقة كبيرة زيت - 2 معلقةصغيرة خميرة فورية
- 1 معلقة صغيرة ملح - 1 معلقة زعتر - رشة سكر
التحضير :
نخلط المكونات الجافة ونقلب كويس وبعدين نضيف الزيت
ونضيف المية الدافئ حسب ما تاخد العجينة .
نعجن العجينة كويس و نخليها متماسكة مش بتلزق فى الايد .
نعملها كور صغيرة فى نفس طبق العجن .
ونغطيها بكيس و نسيبها ساعة تخمر .
نحضر اللحمة المفرومة مع البصل والزيت والبهارات واشوحها عالنار .
ونحضر الجبنة المدزريلا و مربعات الطماطم و مربعات الفلفل الأخضر
و خلطة ( 2 معلقة صلصة مع 2 معلقة مية )
و دى شكل العجينة بعد التخمير
نفرد الكورة دايرة متوسطة السمك
نفرد عليها معلقة صغيرة صلصة
ونرص اللحمة و الفلفل و الجبنة والطماطم
وممكن نزود أو ننقص أى مكون حسب الرغبة .
نبتدى نلف بالراحة
و احنا بنلف نقفل الجوانب ونضغط عليها بصوابعنا
لحد ما تخلص نقفل الاخيرة ونغط عليها كويس
نرصهم فى صنية مدهونة زيت
و ندهن الوش باقى الصلصة
و تدخل الفرن على 180 درجة لمدة ساعة أو اقل
ولما تستوى نرش عليها شوية جبنة عالوش وندخلها تانى
5 دقايق
وبالهنا والشفا
ليست هناك تعليقات:
إرسال تعليق