أكلة رووووووووعة .
جربوهاااااااااااااا.
نقطع الفرخة على أربعة و نغسلها كويس بالملح و شوية خل .
نخلى الفرخة من كل العضم كويس و نشطفها .
نحضر طبقة فية معلقتين صلصة
و ملح وفلفل و نص معلقة كارى و نص لمونة .
ونخلطهم كويس مع بعض .
ونحطهم على الفراخ و نتبلها كويس .
و نحضر الفراخ المتبلة بالصلصة
و 2 حبة طماطم و 2 حبة فلفل أخضر و 2 حبة بصل متوسطة .
مقطعين شرايح و ممكن تزودى حسب الرغبة .
نسخن الطاسة كويس مع 2 معلقة زيت .
ولما تسخن نحط الفراخ .
و نسيبها لحد ما تتشوى و نقلبها الناحية التانية .
لحد ماتخلص الفرخة . نرصها فى صنية .
و فنفس الطاسة نحط البصل والفلفل الأخضر .
و نقلبهم شوية .
لحد ما يدبلو .
نحط الطماطم فى الأخر و نقلب شوية .
ونحط كل المكونات فوق الفراخ المشوية .
ونقدمها . أو نحشيها فى العيش .
و لو عايزينها ناشفة ندخلها الفرن 5 دقايق
مش أكتر . . . .
و بالهنا والشفا
ليست هناك تعليقات:
إرسال تعليق