نصايح هامة لجمالك
- اول و اهم سر هو شرب كمية كافية من المياه كل يوم.
- احرصوا ان يكون عندكم كريم مرطب فى اساسيات اليوم تستعملوه على الرقبة و الوش و اليدين و الرجلين لان المناطق دى بيبان عليها السن و تقدم العمر و المرطب بيحافظ عليها .
- استخدمى غسول للوجه يوميا عشان تشيلى بقايا المكياج و اى اثار للتلوث من الجو من على وشك و احسن حاجة تستعمليه مرة الصبح و مرة بليل قبل النوم .
- التونر ده سائل خفيف تستعمليه بعد غسول البشرة و لازم تعتبريه جزء اساسى من روتين تنظيف بشرتك اليومى.
- استعملى الشامبو المناسب لشعرك كل 3 يام على الاقل عشان تحافظى على بريقه و لمعانه .
- حاولى تتعودى انك تبدلى الشاى او القهوة الصبح بكوب ليمون و مياه دافية لان شربهم الصبح فى اول اليوم بيساعدك على التخلص من السموم فى الجسم و بيقلل من حساسية الجلد و بيخلى جسمك مرطب و لامع طول اليوم .
- بلاش تشربى قهوة و شاى و منتجات الكافيين كتير لانها بتسبب بهتان للبشرة.
- استخدمى ماسكات طبيعية للتقشير لان التقشير الاسبوعى بيخلصك من الجلد الميت و بيمنع جفاف الجلد و بيخلى وشك دايما ناعم.
- عشان تحافظى على جمالك لازم تخلى بالك من شكل حواجبك لان هما ممكن يغيروا شكل وشك .
- لما يكون عندك حبوب بلاش تلعبى فيها عشان هتسيب علامات و نظفى وشك عادى لحد لما تروح لوحدها.
- احرصى على جلسة تنظيف البشرة لازالة الرؤوس السوداء.
- لو سبتى شفايفك جافة و مشققة اكيد هيكون شكلها مش حلو لازم تستخدمى مرطب ليها كل يوم و تجنبى انك تتعرضى للشمس .
- بلاش تقرقضى ظوافرك لانها بتبوظ شكل ايديكى و حافظى على نظافتهم و قصهم دايما.
- حافظى على عدد ساعات نومك من 6 – 8 ساعات.
- اغسلى اسنانك على الاقل مرتين فى اليوم.
- حافظى على الجلوس مستقيمة عشان ميحصلش انحناء فى ظهرك.
- ابعدى عن الاكل فى الشارع و كلى اكل صحى و مفيد زى الفاكهة و الخضار و الالبان لان كل ده بيسبب حبوب و دهون فى الجلد و بهتان.
- اختارى اللبس اللي يليق علي شكل جسمك ويكون برده على الموضة عشان يظهر جمالك.
- فيتامين سى من اهم الفيتامينات اللى بتحافظ على نضارة جلدك واظبى على استخدامه فى اكلك يوميا و الصبح ممكن تشربى عصير ليمون او برتقال طبيعى او تاكلى برتقالة مع الفطار و ده كمان هيساعدك على النشاط و الحيوية فى باقى اليوم .
ليست هناك تعليقات:
إرسال تعليق